பழநிபாரதி - காடு

 கவிதை எழுத

காகிதம் எடுத்தேன்

உலகெங்கும்

காகிதத்திற்காக அழிக்கப்பட்ட

காடுகளின் மணம் 

துளைத்தது என் மூச்சை

பச்சியப்பன் - காலம் பிரசவித்த மற்றொரு காலம்

 

மொட்டை மாடியெங்கும் 

குரோட்டன்ஸ் படர்ந்து கிடக்கும்

இதோ

இந்த வீடிருக்கும் இடத்தில்தான் 

என் வயல் இருந்தது. 

வைரமுத்து - இது வித்தியாசமான தாலாட்டு

 

மகனே

வழக்கமான தாலாட்டை 

உனக்கு நான் 

வாசிக்க முடியாது

அவை 

மொழியின் ஆடம்பரங்கள்

கைது செய்து வைத்த 

கனாக்கள் 

தமிழ் ஒளி - வருங்கால மனிதன் வருக

 

வருங்கால மனிதன் வருக!

புத்தர் நடந்த திசையிலே - அருள்
பொங்கி வழிந்த திசையிலே
சித்தம் மகிழ்ந்து நடந்திட - ஒரு
தெய்வ மனிதன் வருகிறான்!

விண்ணிற் பிறந்தவன் என்றிட - முகம்
விண்சுட ராகப் பொலிவுற
மண்ணிற் பிறந்த மனிதருள் - புது
மைந்தன் பிறந்து வருகிறான்!

சிற்பி பாலசுப்பிரமணியம் - ஓடு ஓடு சங்கிலி

 அழித்து எழுதமுடியாத

அழித்து எழுதமுடியாத

சித்திரம் ஒன்றுண்டு

அம்மா

கண்ணதாசன் - ஒரு கந்தல் துணியின் கதை

கரிசல் காட்டுக் கழனியில் சில

கால்கள் உழுத உழவு - சில

கைகள் கனிந்த கனிவு - குடிசை

எரிக்கும் விளக்கின் ஒளியைப் போல

இலைகள் இரண்டு வரவு - அதில்

இயற்கை கலந்த அழகு!

பாரதிதாசன் - தமிழின் இனிமை

 கவிஞர் பாரதிதாசன்

கனியிடை ஏறிய சுளையும் - முற்றல்

கழையிடை ஏறிய சாறும்,
பனிமலர் ஏறிய தேனும் - காய்ச்சும்
பாகிடை ஏறிய சுவையும்,
நனிபசு பொழியும் பாலும் - தென்னை
நல்கிய குளிரிள நீரும்,
இனியன என்பேன் எனினும் - தமிழை
என்னுயிர் என்பேன் கண்டீர்!