மெய்வேந்து

[மெய்வேந்து] கவிதை, கட்டுரை, சிறுகதை, புதினம் ஆகிய இலக்கிய வடிவங்களோடு, தமிழியல், வரலாறு, தொல்லியல் சார்ந்த அரிய தகவல்களையும் தாங்கி வரும் பன்முக வலைப்பூ. (A multidisciplinary blog featuring Poetry, Essays, Fiction, History, and Archaeology.)

செவ்வாய், 2 டிசம்பர், 2025

மரபுத் தொடர்கள் (Idioms and Phrases)

மரபுத் தொடர்கள் - வாழ்வியல் சொற்களஞ்சியம்

(மக்கள் வழக்கில் மலர்ந்த மொழி அழகியல்)

1. முன்னுரை

ஒரு சொல் அல்லது சொற்றொடர், தனது நேரடிப் பொருளை உணர்த்தாமல், வழிவழியாக வேறு ஒரு குறிப்புப் பொருளைத் தந்து நிற்கும் போது அதனை மரபுத்தொடர் (Idioms and Phrases) என்கிறோம். இவை முன்னோர் பயன்படுத்திய சொற்றொடர்களை நாமும் வழிவழியாகப் பயன்படுத்துவதால் 'மரபு' எனப் பெயர் பெற்றன. தமிழில் ஆயிரக்கணக்கான மரபுத் தொடர்கள் உள்ளன. இவை மோர்ஸ் தந்திக்குறிப்பு (Morse Code) போல, சொல்ல வரும் கருத்தை மிகச் சுருக்கமாகவும், செறிவாகவும் உணர்த்த வல்லவை.

▼ மேலும் வாசிக்க (முழு விளக்கம் & எடுத்துக்காட்டுகள்)

2. சில மரபுத்தொடர்களும் அவற்றின் பொருளும்

🚀 இறக்கைகட்டிப் பறக்கறது: மிக விரைவாகச் செல்வது அல்லது இயங்குவது.
🗣️ கதைகட்டி விடுதல்: இல்லாத ஒன்றை இட்டுக்கட்டிப் பரப்புதல்.
🔫 பொட்டு வை: கொலை செய் (நெற்றியில் சுடுதல்).
✂️ வெட்டு ஒன்று துண்டு இரண்டு: மிகவும் கண்டிப்பாக இருத்தல்.
🤐 நாவை அடக்கு: அமைதியாக இருத்தல் (பேசாமல் இரு).
📉 இறந்த மொழி: பேச்சு வழக்கில் இல்லாத மொழி.
💔 நெஞ்சு உடைதல்: மிதமிஞ்சிய கவலை அல்லது வேதனை அடைதல்.
🐕 வாலைச் சுருட்டிக் கொண்டு இருத்தல்: பயந்துபோய் அடங்கி இருத்தல்.

3. சுவையான பின்னணிகள் & பயன்பாடுகள்

அ) சல்லோ பில்லோ (புதுச்சேரி வழக்கு)

"சல்லோ பில்லோன்னு இருக்கறது" என்றால் பெண்கள் கூச்சமில்லாமல் ஆண்களோடு பழகுதல் என்று பொருள். இது புதுச்சேரியில் பிரெஞ்சுக்காரர்கள் காலத்தில் உருவான வழக்கு என்று கூறப்படுகிறது.

ஆ) பொங்கல் வைக்கறது

இது தைப்பொங்கல் திருநாளைக் குறிக்காது. இது ஒரு வசவுச் சொல். "உனக்குப் பொங்கல் வைக்கிறேன்" என்றால் "உன்னை அழிப்பேன்" அல்லது "பழிவாங்குவேன்" என்று கறுவுதல் ஆகும்.

இ) நெல்லிக்காய் மூட்டை

"நெல்லிக்காய் மூட்டை அவிழ்ந்தது போல" என்பது ஒற்றுமையின்மையைக் குறிக்கும். மூட்டைக்குள் ஒன்றாக இருக்கும் நெல்லிக்காய்கள், அவிழ்ந்தால் ஒவ்வொன்றும் ஒரு திசையில் சிதறி ஓடும். அதுபோல, செயற்கையாக ஒன்று சேர்ந்தவர்கள் சிதறிப் போவதை இது குறிக்கிறது.

ஈ) கதை கட்டுதல் vs கதை வளர்த்தல்

கதை கட்டுதல்: பொய்யான செய்தியைப் பரப்புதல்.
கதை வளர்த்தல்: பேச்சை முடிக்காமல் நீட்டித்துக்கொண்டே போதல் (சலிப்படையச் செய்தல்).

4. இணைமொழிகள் (மக்கள் வழக்கு)

மக்கள் அன்றாடம் பயன்படுத்தும் இரட்டைச் சொற்கள் அல்லது இணைமொழிகள் சில:

அக்கம் பக்கம், அகட விகடம், அடிதண்டம் பிடிதண்டம், அண்டை அயல், அந்தியும் சந்தியும், அரதேசி பரதேசி, ஆற அமர, ஆனைக்கும் பூனைக்கும், இண்டும் இடுக்கும், இழுப்பும் பறிப்புமாய், ஏறுக்கு மாறு, கண்ணும் கருத்துமாய், காமா சோமா, கன்னா பின்னா, குண்டக்க மண்டக்கமாய், கையும் களவுமாய், விட்டகுறை தொட்டகுறை, வேலை வெட்டி.

குறிப்பு: இவற்றில் பலவற்றை ஞா. தேவநேயப் பாவாணர் "இணைமொழிகள்" (Words in Pairs) என்று குறிப்பிட்டுள்ளார்.