வாரம் 1: தொல்காப்பியம் - நூன்மரபு அறிமுகமும் பைத்தானும்

வாரம் 1: தொல்காப்பியம் - நூன்மரபு

Python via Tholkaapiyam Nuunmarapu

முனைவர் சத்தியராஜ் தங்கச்சாமி

தமிழ் உதவிப்பேராசிரியர் & விக்கிமீடியர்,

ஸ்ரீ கிருஷ்ணா ஆதித்யா கலை மற்றும் அறிவியல் கல்லூரி, கோயம்புத்தூர் – 641042.

அறிமுகம்

தொல்காப்பியத்தைப் பைத்தான் தொழில்நுட்பத்தோடு கற்றுக்கொள்ள விரும்புவர்களுக்கு இந்தப் பாடம் ஒரு புதிய அனுபவத்தைத் தரக் காத்திருக்கின்றது. அப்படி என்ன அனுபவம் எனும் எண்ணம் உருவாகின்றதா? அது தொழில்நுட்ப முறையிலான விளக்கமாகும். அது என்ன தொழில்நுட்ப விளக்கம் என்ற வினா எழுகின்றதா? அது மனித மொழியைப் போன்று கணினி மொழியாகிய பைத்தான் அடிப்படையிலான விளக்கமாகும். இப்படி விளக்குவதனால் என்ன நடக்கும். தொல்காப்பிய விதிகளை மையமிட்ட தொழில்நுட்பம் உருவாகும். தட்டச்சுப் பிழைகளைச் சரிசெய்யும் நுட்பம் இன்னும் பொலிவுறும். இக்கால மாணவர்கள் மொழியைப் பிழையுடன் எழுதி வருவது பெரும் மன வருத்தைத் தருகின்றது. அதுவும் குறிப்பாகக் கல்லூரி மாணவர்களுக்கு உயிர், மெய், குறில், நெடில் எழுத்துக்களைக்கூட அவர்கள் கற்காமல் உயர்கல்வி வரை வந்திருக்கின்றனர். இதுபோன்ற நிலைகளை ஓரளவிற்கு எதிர்காலத்தில் குறைத்திட இதுபோன்ற கற்றலும் தேவைப்படும். தொழில்நுட்ப மேம்பாட்டில் விளையாட்டுக் குறுஞ்செயலிகள் உருவாக்கவும் இந்தக் கற்றல் மிக முக்கியமானதே. ஆகையால் இந்தக் கட்டுரை அதனை முக்கிய நோக்கமாகக் கொண்டு அமைகின்றது. அதுமட்டுமின்றித் தொல்காப்பிய இலக்கணம் கணினி மொழிக்கு ஏற்ப எழுதப்பெற்றிருக்கும் சிறப்பையும் இக்கட்டுரை வலியுறுத்துகின்றது.

1. தொல்காப்பியம் - அறிமுகம்

தொல்காப்பியம் பொது ஊழி ஆண்டிற்கு முன்பு 14இல் எழுதப்பெற்றதாக க.நெடுஞ்செழியன் [1] கூறியுள்ளார். இதனை எழுதியவர் தொல்காப்பியர். இவர் தொல்காப்பியத்தை மூன்று அதிகாரங்களாகக் கட்டமைத்துள்ளார். பேரா. க. பாலசுப்பிரமணியன் தொல்காப்பியம் [2] [5] எனும் இலக்கண நூல் முழுமையும் ஒருவரால்தான் எழுதப்பெற்றது என்றும், அதுவும் தமிழ்மொழியின் கட்டமைப்பைக் கூறும் இலக்கண நூல் என்றும் கூறியுள்ளமை கூர்ந்து நோக்கத்தக்கது. ஆகையால் தொல்காப்பிய இலக்கணத்தின் மூன்று அதிகாரங்களையும் கணினி மொழி அடிப்படையிலான விளக்கம் அளிக்கப்பெறும்பொழுது அதன் சிறப்பு மட்டுமின்றித் தமிழ்மொழிக்கான தொழில்நுட்பக் கருவிகள் அதிகம் உருவாகவும் வழிவகுக்கும் என்பதைத் தொடர்ந்து சில [3] [4] ஆய்வுகளில் வலியுறுத்தி வரப்பெறுகின்றமையும் இங்குக் கூறுதல் தகும். பேரா.ந.தெய்வசுந்தரம், கணினி மொழியியல் அடிப்படையில் தொல்காப்பியத்தின் சிறப்பை இன்னும் தெளிவுப்படுத்தியுள்ளார் [6].

2. தொல்காப்பிய அதிகாரங்கள்

தொல்காப்பியம் மூன்று அதிகாரங்களால் ஆனது. அவை,

• எழுத்ததிகாரம்
• சொல்லதிகாரம்
• பொருளதிகாரம்

என்பனவாகும். இவற்றுள், எழுத்ததிகாரம்,

• நூன்மரபு
• மொழிமரபு
• பிறப்பியல்
• புணரியல்
• தொகைமரபு
• உருபியல்
• உயிர் மயங்கியல்
• புள்ளி மயங்கியல்
• குற்றியலுகரப் புணரியல்

ஆகிய ஒன்பது இயல்களால் கட்டமைக்கப் பெற்றுள்ளது. அவற்றுள், நூன்மரபு எழுத்ததிகாரத்தின் முதல் இயலாக அமைந்துள்ளது. இந்த இயல் தமிழ் மொழியமைப்பைப் பேசும் தொடக்கப்புள்ளியாகும். ஒரு குழந்தைக்கு மொழியைக் கற்பிக்க எடுக்கும் முதல் அளவுகோல் எழுத்தறிமுகமாக இருக்குமல்லவா? அதுபோல் தொல்காப்பியர் நூன்மரபு எனும் இயலை அமைத்துள்ளார். இங்குப் புலியூர்க் கேசிகனின் உரை அமைப்பில் உள்ளமை போன்று,

• எழுத்தின் வகை
• மாத்திரை
• எண்
• வடிவம்
• மெய்ம்மயக்கம்
• பிற மரபுகள்

ஆகிய ஆறு பகுதிகளாகப் பிரித்து விளக்கமாக அறிவோம்.

3. திறமூலத் தமிழ் நூலகம் நிறுவல்

தொல்காப்பிய நூன்மரபுப் பகுதிகளை இன்னும் பைத்தான் கணினி அடிப்படையில் எழுதவும் புரிந்துகொள்ளவும் திறமூலத் தமிழ் நூலகத்தை நிறுவும் செயல்பாட்டை முதலில் அறிவோம். அப்பொழுதுதான் பைத்தான் மொழியில் எழுதி, பிரிக்க, வேறு செயல்பாட்டைச் செய்துபார்க்க முடியும். ஆகவே முதலில் அதுபற்றிப் பார்ப்போம்.

!pip install Open-Tamil

ஐயா, இது என்ன? இதனைக் கொஞ்சம் விளக்குங்கள்.

!pip install Open-Tamil [8] என்ற குறியீடு, பைத்தான் மொழியில் தமிழ் எழுத்துக்களைப் பயன்படுத்துவதற்குத் தேவையான நூலகத்தை உங்கள் கணினியில் நிறுவுகிறது. இந்த நூலகம், தமிழ் எழுத்துக்களை உருவாக்க, படிக்க, எழுத, செயலாக்கத் தேவையான அனைத்து வகையான செயல்பாடுகளையும் வழங்குகிறது.

இந்தக் குறியீட்டைப் பயன்படுத்தி, உங்கள் கணினியில் Open-Tamil என்ற நூலகத்தை நிறுவலாம். பின்னர், இந்த நூலகத்தைப் பயன்படுத்தி, பைத்தான் மொழியில் தமிழ் எழுத்துக்களைக் கொண்ட குறியீட்டை எழுதலாம்.

இந்தக் குறியீட்டை உங்கள் கணினியில் நிறுவ, பின்வரும் வழிமுறைகளைப் பின்பற்றவும்:

• உங்கள் கணினியில் ஒரு கட்டளைப் பதிவு நிரலாக்கியைத் திறக்கவும்.
• !pip install Open-Tamil என்ற குறியீட்டை உள்ளிடவும்.
• Enter விசை அழுத்தவும்.

இந்தக் குறியீட்டை நிறுவியபின்னர், உங்கள் கணினியில் Open-Tamil என்ற நூலகம் நிறுவப்பட்டிருக்க வேண்டும்.

சரி ஐயா, நிறுவி விட்டேன்.

# -*- coding: utf-8 -*-

ஐயா, இது எதற்கு?

# -- coding: utf-8 -- என்ற குறியீடு, பைத்தான் மொழியில் பயன்படுத்தப்படும் ஒரு குறியீட்டுத் தொகுப்பு ஆகும். இது, பைத்தான் மொழியில் பயன்படுத்தப்படும் அனைத்து எழுத்துக்களும், தமிழ் எழுத்துக்களுடன் இணைந்து பயன்படுத்தப்படலாம் என்பதை அறிவிக்கிறது. இது, பைத்தான் மொழியின் வார்த்தைகளையும் கட்டளைகளையும் சரியாகப் புரிந்து கொள்ளப்பட்டுச் செயல்படுத்தப்படுவதற்கு உதவுகிறது.

import tamil

ஐயா, இது என்ன?

import tamil என்ற குறியீடு, பைத்தான் மொழியில் தமிழ் எழுத்துக்களைப் பயன்படுத்துவதற்குத் தேவையான நூலகத்தை இறக்குமதி செய்கிறது. இந்த நூலகம், தமிழ் எழுத்துக்களை உருவாக்க, படிக்க, எழுத, செயலாக்கத் தேவையான அனைத்து வகையான செயல்பாடுகளையும் வழங்குகிறது.

4. தொல்காப்பிய ஆசானுக்கு வணக்கம் - முதல் நிரல் எழுதுதல்

மேற்கூறிய அந்தக் குறியீட்டைப் பயன்படுத்தி, பைத்தான் மொழியில் தமிழ் எழுத்துக்களைக் கொண்ட குறியீட்டை எழுதலாம். சான்றாக, பின்வரும் குறியீட்டைப் பயன்படுத்தி, "தொல்காப்பிய ஆசானுக்கு வணக்கம்" என்ற தமிழ்ச் சொல் தொடரை எழுதலாம்:

import tamil
print("தொல்காப்பிய ஆசானுக்கு வணக்கம்")

விளைவு:
தொல்காப்பிய ஆசானுக்கு வணக்கம்

5. பைத்தான் - ஓர் அறிமுகம்

ஐயா, பைத்தான் என்றால் என்ன? அந்த மொழியின் அடிப்படைகளைக் கொஞ்சம் விளக்கமுடியுமா?

பைத்தான் என்பது ஒரு கணினி மொழியாகும். இந்த மொழியைக் கூகுள், யூடியூப், முகநூல், பிட்லி, யாகூ நிலப்படம், யாகூ குழுமம், சோப், அல்ட்ரா சீக், லினக்சு வாரச் செய்தி, ரெட்ஹேட், டிக்க, இவன்ட்பிரைட், லேன்யார்ட், மிக்ஸ் பேனல், கோரா, பின்டிரசட், ரேட்டிட், பாத், இன்சடாகிராம், மொசில்லா நிறுவனம், சர்வே மங்கி, எல்பு, அசனா, சேக்கேன்டு, லைப்பு, வால்ட், டிச்சினி, கூகிள் அப் இஞ்ன், இவ் அன்லைன், கேம்ங் கனோனிக்கல் நிறுவனம், Rackspace, சிஸ்கோ சிஸ்டம்ஸ், ஐபிஎம், இன்டச்சிட்ரியல் லைட் மேசிக் பிக்சர், தேசிய வானூர்தியியல் விண்வெளி நிர்வாகம், ஹனிவெல் ஐரேபட், One Laptop Per Child (OLPC), டிச்கச்(disqus) ஆகிய நிறுவனங்கள் பயன்படுத்தி வருகின்றமை குறிப்பிடத்தக்கது [10]. இதன்மூலம் இந்தப் பைத்தான் மொழியின் முக்கியத்துவத்தை உணரலாம். இந்த மொழியைக் கற்றுக்கொள்வது எளிதான ஒன்றேயாகும்.

இந்த மொழி இணைய மென்பொருள் (Web Application), மின்னஞ்சல் அலகிடல் (Email Parsing), வலையமைப்பு நிரலான் (Network Program), மேசைத்தளம் மென்பொருள் (Desktop Application), இணைய நெறிமுறை (Internet Protocol), கணினி நிருவாகம் (System administration), விளையாட்டுகள் (sports) ஆகிய பயன்பாட்டுத் துறைகளை உள்ளடக்கியுள்ளது [10].

இந்த மொழியினை எளிமையாகக் கையாளலாம். ஒரு நிரல் மொழி (அதாங்க புரோகிராமிங் லாங்குவேஜ்) படிக்க வேண்டும் என்றால்,

• தரவு வகை (Datatype) தெரிந்திருக்க வேண்டும்.
• இலக்கணம் (syntax) தெரிந்திருக்க வேண்டும்.
• {, [, ; என்று பல உருவங்கள் கண் முன்னேயும் கனவிலும் வந்து போக வேண்டும் [11]

எனப் பலரது கருத்து. ஆனால், தமிழைப் போல, ஆங்கிலத்தைப் போல – இயல்பாக அமைந்திருப்பதுதான் பைத்தானின் மிகப்பெரிய சிறப்பு. எடுத்துக்காட்டாக இரண்டு எண்களைக் கூட்ட வேண்டும் என்று வைத்துக்கொள்வோம். இதுதான் நம்முடைய முதல் வேலை என்று வைத்துக் கொள்ளுங்கள். எப்படிச் செய்வது? முதலில் இரண்டு எண்களின் மதிப்பைச் சொல்லி விடுங்கள்.

எண்1, எண்2 = 100, 90
# அல்லது
எண்1 = 100
எண்2 = 90

புதியவர்கள் மிக எளிதாக நிரலைப் புரிந்து கொள்வார்கள். இப்போது வரும் விடையை அச்சிட்டுப் பார்க்க,

print(எண்1 + எண்2)

விளைவு:
190

என்று கொடுத்தால் போதுமானது [11]. இப்பொழுது எளிமையாக விங்கிக்கொள்ள முடிந்தது அல்லவா.

சரி ஐயா, மேலும், நூன்மரபு முதல் விதியைப் பைத்தான் அடிப்படையில் கூறுங்கள். இன்னும் ஆர்வமாக உள்ளது.

ஆம். அன்பரே! கற்கும் ஆர்வத்தை நாம் ஏற்படுத்திக் கொண்டால் அனைத்தும் எளிது! இல்லை என்றால் கல்வி பாகற்காயாய்க் கசக்கும். சரி… சரி… இன்னொன்றையும் நீங்கள் அறிய வேண்டும். செய்யறிவு (AI) பற்றித் தெரியுமா?

கேள்விப்பட்டுள்ளோம் ஐயா. செயற்கை நுண்ணறிவு என்றும், ஏ.ஐ. (AI) என்றும் கூறுவார்களே அதுதானே.

ஆம். அதில் கூகுள் பார்டு (BardAI) எனும் செய்யறிவு நுட்பம் சொன்ன விளக்கம்தான் நீங்கள் பைத்தான் மொழியின் ஒவ்வொரு வரியையும் புரிந்துகொண்டீர்கள். இனி, வரக்கூடிய விளக்கமும் அது இணையத் தரவுகளை அடிப்படையாகக் கொண்டு, விளக்குவதையும் அறியுங்கள். அப்பொழுதுதான் இன்னும் பைத்தானின் நுட்பத்தை எளிதில் விளங்கிக் கொள்ள முடியும்.

6. தொல்காப்பியம்_எழுத்ததிகாரம்_இயல்கள் - இரண்டாம் பட்டியல் நிரல் எழுதுதல்

import tamil

தொல்காப்பியம்_எழுத்ததிகாரம்_இயல்கள் = ['நூன்மரபு', 'மொழிமரபு', 'பிறப்பியல்', 'புணரியல்', 'தொகைமரபு', 'உருபியல்', 'உயிர் மயங்கியல்', 'புள்ளி மயங்கியல்', 'குற்றியலுகரப் புணரியல்']
print(தொல்காப்பியம்_எழுத்ததிகாரம்_இயல்கள்)

இது ஒரு நிரல்தொகுப்பு. இந்த நிரலில் import tamil என்ற குறியீடு, தமிழ் மொழிக்குத் தேவையான அனைத்து வகையான செயல்பாடுகளையும் வழங்கும் tamil என்ற நூலகத்தை இறக்குமதி செய்கிறது. அதன்பின்பு உள்ள தொல்காப்பியம்_எழுத்ததிகாரம்_இயல்கள் என்ற குறியீடு, தொல்காப்பியத்தின் எழுத்ததிகாரத்தில் உள்ள ஒன்பது இயல்களைக் கொண்ட ஒரு பட்டியலை உருவாக்குகிறது. அதற்கடுத்து உள்ள, print(தொல்காப்பியம்_எழுத்ததிகாரம்_இயல்கள்) என்ற இந்தப் பைத்தான் நிரல், தொல்காப்பியம் எழுத்ததிகாரத்தில் உள்ள ஒன்பது இயல்களைக் கொண்ட ஒரு பட்டியலை விளைவாகத் தருகின்றது. இந்த நிரலை இயக்கும்போது, பின்வரும் முடிவு கிடைக்கும்:

['நூன்மரபு', 'மொழிமரபு', 'பிறப்பியல்', 'புணரியல்', 'தொகைமரபு', 'உருபியல்', 'உயிர் மயங்கியல்', 'புள்ளி மயங்கியல்', 'குற்றியலுகரப் புணரியல்']

இதுவரை எழுதிய பைத்தான் நிரல்களை கோலேப்பில் தந்து இயக்கிப் பார்க்கலாம்.

7. நூன்மரபு - மூன்றாம் பட்டியல் நிரல் எழுதுதல்

import tamil

நூன்மரபு = ['எழுத்துக்களின் வகை', 'மாத்திரை', 'எண்', 'வடிவு', 'மயக்கம்', 'பிற மரபுகள்']
print(நூன்மரபு)

இது ஒரு நிரல்தொகுப்பு. இந்த நிரலில் நூன்மரபு என்ற பட்டியல், நூன்மரபு இயலில் உள்ள ஆறு பிரிவுகளின் பெயர்களைக் கொண்டுள்ளது. அடுத்துள்ள, print(நூன்மரபு) என்ற குறியீடு, நூன்மரபு என்ற பட்டியலை விளைவாகத் தருகின்றது. இந்த நிரலை இயக்கும்போது, பின்வரும் முடிவு கிடைக்கும்:

['எழுத்துக்களின் வகை', 'மாத்திரை', 'எண்', 'வடிவு', 'மயக்கம்', 'பிற மரபுகள்']

8. எழுத்தின் வகை - நூற்பா 1

எழுத்து எனப்படுப
அகரம் முதல்
னகர இறுவாய் முப்பஃது என்ப
சார்ந்து வரல் மரபின் மூன்று அலங்கடையே.

வணக்கம் ஐயா, தொல்காப்பிய நூன்மரபைப் பைத்தான் மூலமாகக் கற்றுத் தருகின்றேன் எனக் கூறிவிட்டு, வழக்கமான உரையாசிரியர்களைப் போலவே, நூன்மரபு விதிகளைக் கூறுகின்றீர்களே.

ஆம். அன்பரே! முதலில் தொல்காப்பிய நூற்பாவை நாம் தெரிந்துகொள்வோம். பின்பு அதனை எப்படிப் பைத்தான் மொழியில் எழுதுவது என அறிவோம். அப்பொழுதுதான் அதில் உள்ள தருக்கத்தை அறிய முடியும்.

ஐயா, தருக்கம் என்றால் என்ன?

அதுவா, வேறொன்றுமில்லை. தருக்கம் செய்கிறார்கள் எனக் கேள்விப் பட்டிருக்கின்றீர்களா?

ஆம். ஐயா. கேள்விகள் கேட்டால், அதற்குரிய விளக்கத்திற்குத் தேவையான சான்றுகளைக் காட்டிக் கூறுவார்களே? அதுதானே ஐயா.

ஆம். சரியாகப் புரிந்துகொண்டுள்ளீர்கள். சரி, இனி நாம் தொல்காப்பியர் எழுதிய எழுத்ததிகார நூன்மரபு முதல் விதிக்குப் போவோமா?

இந்த முதல் விதியில் தொல்காப்பியர் கூற வருவது என்ன? தமிழ் மொழியின் அமைப்பில் முதன்மையான எழுத்துக்கள் இரண்டு வகைப்படும் என்கிறார். அந்த எழுத்துக்கள் முதலெழுத்து, சார்பெழுத்து என்பன.

ஐயா,
எழுத்து எனப்படுப
அகரம் முதல்
னகர இறுவாய் முப்பஃது என்ப
இதுவரை உள்ள தகவல்களை முதல் எழுத்துக்குரியது என்றும்,
சார்ந்து வரல் மரபின் மூன்று அலங்கடையே.
இதுவரை சார்பெழுத்துக்குரியது என்றும் புரிந்துகொண்டுள்ளேன். சரிதானே ஐயா!

ஆம் சரிதான் அன்பரே!

தொல்காப்பியர் முதல் எழுத்து என்று சொல்லக் கூடியவற்றை 'அகரம் முதல் னகர இறுவாய்' எனக் கூறுகின்றார். அதாவது உயிர், மெய் எழுத்துக்களைக் கூறுகின்றார். சரி, இப்பொழுது இதுவரை பைத்தானில் பட்டியல் உருவாக்கும் நுட்பத்தையும், விளைவாகக் காட்டவேண்டிய நுட்பத்தையும் அறிந்தாய் அல்லவா? இப்பொழுது பைத்தான் மொழியில் எழுதிக் காண்பியுங்கள் பார்ப்போம்.

எழுத்துக்களின்_வகை = ['முதலெழுத்து', 'சார்பெழுத்து']
print(எழுத்துக்களின்_வகை)

['முதலெழுத்து', 'சார்பெழுத்து']

ஐயா, இது அந்த நூற்பாவில் உள்ள எழுத்துக்களின் வகைகளை விளைவாகக் காட்ட எழுதியுள்ளேன்.

நன்று. அடுத்து, முதலெழுத்துக்குரிய நிரல்.

முதலெழுத்து = ['உயிரெழுத்து', 'மெய்யெழுத்து']
print(முதலெழுத்து)

['உயிரெழுத்து', 'மெய்யெழுத்து']

அருமை. சரி, இன்னொரு நுட்பத்தையும் உனக்குக் கற்றுத் தருகின்றேன். கூர்ந்து பார் அன்பரே!

உயிரெழுத்து = tamil.utf8.uyir_letters
print(உயிரெழுத்து)

# மெய்யெழுத்து = ['க்', 'ங்', 'ச்', 'ஞ்', 'ட்', 'ண்', 'த்', 'ந்', 'ப்', 'ம்', 'ய்', 'ர்', 'ல்', 'வ்', 'ழ்', 'ள்', 'ற்', 'ன்']
மெய்யெழுத்து = tamil.utf8.mei_letters
print(மெய்யெழுத்து)

இதுவும் ஒரு பைத்தான் நிரல். முன்பு பார்த்ததற்கும் இந்த நிரலிற்கும் என்ன வேறுபாடு அன்பரே! கண்டுபிடியுங்கள்.

ஐயா, இதில் மெய்யெழுத்து எனும் பட்டியலில் tamil.utf8.uyir_letters எனும் மதிப்புத் தரப்பெற்றுள்ளது ஐயா.

ஆம் சரியாகக் கண்டறிந்தீர்கள். பாராட்டு. tamil.utf8.uyir_letters இந்த மதிப்பை Open-Tamil என்ற நூலகத்திலிருந்து வருவித்து உரிய விளைவைத் தருவதைப் பார்க்கலாம். இதுபோல் பின்வரும் நிரல்களின் விளைவுகளும் அவ்வாறே அமையும் என்பதை அறிந்திருப்பீர்கள் அல்லவா? சரி, அந்த நூற்பா தரும் பிற விளக்கங்களுக்கான நிரல்களையும் பின்வருமாறு எழுதி, இயக்கிப் பழகுங்கள். இதற்குரிய நிரல்தொகுப்பினைக் கித்துப்பில் [9] உள்ளது. வேண்டுமானால் அதனைப் பைத்தான் இயக்கிப் பார்க்கும் முனையத்தில் பயன்படுத்திக் கொள்ளலாம்.

உயிரெழுத்து_வகை = ['குறில்', 'நெடில்']
print(உயிரெழுத்து_வகை)

இது உயிரெழுத்து வகையைக் குறிக்கும் நிரல்.

['குறில்', 'நெடில்']

உயிரெழுத்து_வகை_குறில் = tamil.utf8.kuril_letters
print(உயிரெழுத்து_வகை_குறில்)

இது உயிரெழுத்து வகையில் உள்ள குறில் எழுத்துக்களைக் குறிக்கும் நிரல்.

உயிரெழுத்து_வகை_நெடில் = tamil.utf8.nedil_letters
print(உயிரெழுத்து_வகை_நெடில்)

இது உயிரெழுத்து வகையில் உள்ள நெடில் எழுத்துக்களைக் குறிக்கும் நிரல்.

9. நூற்பா 2 - சார்பெழுத்து

அவைதாம்,
குற்றியலிகரம் குற்றியலுகரம்
ஆய்தம் என்ற
முப்பாற்புள்ளியும் எழுத்து ஓரன்ன.

இந்த நூற்பாவின் கருத்துக்களைப் பின்வருமாறு நிரல் எழுதி உருவாக்கி வைத்துக் கொள்வோமா?

சார்பெழுத்து = ['குற்றியலிகரம்', 'குற்றியலுகரம்', 'ஆய்தம்']
print(சார்பெழுத்து)

இது சார்பெழுத்து வகையைக் குறிக்கும் நிரல்.

['குற்றியலிகரம்', 'குற்றியலுகரம்', 'ஆய்தம்']

உயிர்_மெய் = [
    'க', 'கா', 'கி', 'கீ', 'கு', 'கூ', 'கெ', 'கே', 'கை', 'கொ', 'கோ', 'கௌ',
    ...
    'ன', 'னா', 'னி', 'னீ', 'னு', 'னூ', 'னெ', 'னே', 'னை', 'னொ', 'னோ', 'னௌ'
]
print(உயிர்_மெய்)

இது சார்பெழுத்து வகையில் உள்ள உயிர்மெய் எழுத்துக்களைக் குறிக்கும் நிரல்.

ஐயா, ஓர் ஐயம். என்னய்யா இப்படியே பைத்தான் நிரலாக எழுதிக்கொண்டே போகின்றோம்.

நல்ல ஐயம். என்எல்டிகே (NLTK), சுபேசி (spaCy), சென்சிம் (Gensim) இது போன்ற நூலகங்களைக் கேள்விப் பட்டதுண்டா?

இல்லை ஐயா.

இந்த நூலகங்களைப் பயன்படுத்தி இயற்கை மொழிசார்ந்த ஆய்வுகளை உலகம் முழுவதிலும் உள்ள ஆய்வாளர்கள் செய்து வருகின்றார்கள். அதுபோல் பிற்காலத்தில் தொல்காப்பியர் என்ற நூலகம் உருவாக்கி, தமிழ் மொழி ஆய்வுகள் செய்ய இந்த மாதிரி எழுது நிரல்கள்தான் உதவியாக இருக்கும். நூலகம் உருவாக்கும் வழிமுறைகளை இந்த இயலின் விளக்குகின்றேன். அதுவரை பல்வேறு நுட்பங்களைத் தெரிந்துகொண்டே வா அன்பரே!

சரி ஐயா…

சரி இந்த வகுப்பை இத்துடன் முடித்துக் கொள்வோம். பிற குறிப்புகளை ஒவ்வொரு பாடவேளையிலும் அறிந்துகொள்வோமா?

10. முடிவுரை

இதுவரை விளக்கப்பெற்ற கருத்துக்களின் அடிப்படையில் தொல்காப்பியத்தின் ஒருங்குத் தன்மையையும், தொல்காப்பியர் எழுதிய நூற்பாச் செய்திகளை, பைத்தான் நிரலாக எழுதி இயக்கிப் பார்க்க முடியும் என்ற நம்பிக்கையை அளித்திருக்கும் என நம்பலாம். இது ஒரு தொடக்கமே. இனிவரும் ஒவ்வொரு பகுதிகளிலும் இன்னும் கூடுதலாகச் சிலநுட்பங்களை எடுத்துரைக்க முனைவோம்.

11. துணைநின்றவை

[1] நெடுஞ்செழியன் க., தொல்காப்பியர் காலம், https://newindian.activeboard.com/t59991225/topic-59991225/, last accessed 2023/10/14

[2] பாலசுப்பிரமணியன் க., தொல்காப்பியத்தின் ஒருமையும் முழுமையும், உலகத் தமிழாராய்ச்சி நிறுவனம், சென்னை, (2015)

[3] முனைவர் அ.வினோத், கோ.பூவேந்திரன், முனைவர் சத்தியராஜ் தங்கச்சாமி (2023, அக்டோபர் 15, 16). தொல்காப்பியக் குறுஞ்செயலி உருவாக்கம், தொழில்நுட்ப மாநாடு, குமரகுரு தொழில்நுட்பக் கல்லூரி, கோயமுத்தூர்.

[4] Vinoth A, Sathiyaraj Thangasamy, R.Nithya, Poovandran G, Mounash V, Subalalitha C N, Ariharasuthan R, Parameshwar Arunachalam and Syed Jafer K Automatic identification of Meimayakkam in Tamil words using Rule based and Transfer learning approaches, International Conference on Speech and Language Technologies for Low-resource Languages. SPELLL 2023

[5] பாலசுப்பிரமணியன் க., தொல்காப்பிய இலக்கண மரபு, அரிமா நோக்கு, சென்னை, (2017)

[6] தெய்வசுந்தரம் ந., மொழியியலும் கணினிமொழியியலும் (தொகுதி இரண்டு), அமுத நிலையம், சென்னை. (2021)

[7] Vinoth A., Sathiyaraj Thangasamy, John Paul Boopathi A., Poovandran G., App Development for Tholkaappiya Meymayakkam First rule problem solve, Kanithamizh conference 2024, TVA, Chennai. (Submitted)

[8] https://pypi.org/project/Open-Tamil/

[9] https://github.com/neyakkoot/Tholkaappiyar_Nuunmarapu

[10] பைத்தான் – https://ta.wikipedia.org/s/112

[11] https://kaniyam.com/category/let-us-learn-learn-python/

📺 காணொலி விரிவுரையைப் பாருங்கள்

முதல் வார முழு விளக்கவுரை (காணொலி நேரம்: 32:15)

வாரம் 1 - தொல்காப்பியம் நூன்மரபு & பைத்தான் அறிமுகம் நிறைவு

தொல்காப்பிய ஆசானுக்கு வணக்கம்

குறிப்புதவிகள் (Comprehensive References)

குறிப்புதவிகள்

Comprehensive References

1. உலகளாவிய வரலாறும் அறநெறிகளும்

• Tracy, B. (2020). The psychology of selling: Increase your sales faster and easier than you ever thought possible. Thomas Nelson.
• World Federation of Direct Selling Associations. (2024). Global code of ethics and professional standards for direct selling. WFDSA.

2. இந்தியச் சட்ட விதிமுறைகளும் சந்தை நிலவரமும்

• Indian Direct Selling Association. (2025). Indian direct selling: Vision 2030 - Annual survey report. IDSA.
• Ministry of Consumer Affairs, Food and Public Distribution. (2021). Consumer protection (Direct selling) rules, 2021. Government of India.

3. நவீனத் தொழில்நுட்பமும் தமிழகச் சூழலும்

• Cialdini, R. B. (2021). Influence: The psychology of persuasion (New and expanded ed.). Harper Business.
• Sathiyaraj Thangasamy (Neyakkoo). (2026). Digital transformation and artificial intelligence (AI) agents in direct selling. Anna University Press.

4. செயற்கை நுண்ணறிவும் வணிக மாதிரிப் புதுமைகளும் (AI & Business Model Innovation)

• Aagaard, A. (2024). AI-driven business model innovation: Pioneering new frontiers in value creation. Springer. https://doi.org/10.1007/978-3-031-57511-2_10
• Amit, R., & Zott, C. (2021). Business model innovation strategy: Transformational concepts and tools for entrepreneurial leaders. Wiley.
• Jorzik, P. (2024). AI-driven business model innovation: A systematic review and research agenda. Technological Forecasting and Social Change, 177, 121497. https://doi.org/10.1016/j.techfore.2022.121497
• Zhang, Z. (2025). The role of artificial intelligence in business model innovation. Journal of Business Research, 13(7), 507. https://doi.org/10.3390/jbr130700507

5. நேரடி விற்பனையும் எண்ணிம மாற்றமும் (Direct Selling & Digital Transformation)

• Bujang, S. D. A., & Selamat, A. (2011). Model checking agent of SMS management system for direct sales and network marketing. Proceeding of Knowledge Management International Conference, 1–6. https://doi.org/10.1109/KM.2011.5958882
• Epixel MLM Software. (2025). How AI is transforming the future of direct sales and MLM. https://www.epixelmlmsoftware.com/blog/ai-integrated-direct-selling-transformation
• World Federation of Direct Selling Associations. (2020). Global direct selling industry statistics. https://www.wfdsa.org

6. தரவு மேலாண்மையும் வாடிக்கையாளர் உறவும் (Data & CRM)

• Burk, S., Sweenor, D., & Miner, G. (2018). It's all analytics—Part II: Designing an integrated AI, analytics, and data science architecture for your organization. Journal of Business Analytics, 1(1), 114. https://doi.org/10.1080/2573234X.2018.1500132
• Ramalingam, S., & Surampudi, Y. (2022). AI-powered customer relationship management in retail: Enhancing personalization and predictive insights using generative AI models. Journal of Retailing and Consumer Services, 64, 102774. https://doi.org/10.1016/j.jretconser.2021.102774
• Pang, C. (2025). Towards data systems that are business semantic-centric and AI agents-assisted. arXiv. https://arxiv.org/abs/2506.05520

7. இந்தியச் சந்தையும் தொழில்முனைவு ஆய்வுகளும் (Indian Emerging Market & Entrepreneurship)

• Saqib, N. (2025). Frugal business model innovation in an Indian emerging market: A multiple case study. Asia Pacific Journal of Innovation and Entrepreneurship, 19(2), 167–185. https://doi.org/10.1108/APJIE-11-2023-0227
• Saqib, N., Amin, F., Gupta, S., & Satar, M. S. (2025). Digital business model innovation: Scale development and validation. Business Process Management Journal, 31(5), 1636–1662.
• Saqib, N., & Satar, M. (2021). Exploring business model innovation for competitive advantage: a lesson from an emerging market. International Journal of Innovation Science, 13(4), 477–491.

குறிப்பு: இப்பாடத்திட்டத்தில் இடம்பெற்றுள்ள அனைத்துத் தரவுகளும் இந்திய அரசின் 2021 நேரடி விற்பனை விதிகளுக்கு உட்பட்டும், உலகளாவிய நேரடி விற்பனைச் சங்கங்களின் கூட்டமைப்பு (WFDSA) வகுத்துள்ள அறநெறித் தரங்களுக்கு இணையாகவும் தொகுக்கப்பட்டு

மூலப் பக்கத்தைப் பார்க்க

பன்னிரண்டாம் வாரம்: வருங்காலத் தொழில்நுட்பம் - செயற்கை நுண்ணறிவும் (AI) தமிழக வணிக வாய்ப்புகளும்

பன்னிரண்டாம் வாரம்

வருங்காலத் தொழில்நுட்பம் - செயற்கை நுண்ணறிவும் (AI) தமிழக வணிக வாய்ப்புகளும்

12.0. அறிமுகம்

தொழிற்புரட்சியின் நான்காம் கட்டத்தைத் தாண்டி, நாம் இப்போது செயற்கை நுண்ணறிவு (Artificial Intelligence) ஆதிக்கம் செலுத்தும் புதியதொரு சகாப்தத்தில் இருக்கிறோம். இன்று உலகை மாற்றிக்கொண்டிருக்கும் செயற்கை நுண்ணறிவு (AI), நேரடி விற்பனைத் துறையின் டிஎன்ஏ-வை (DNA) மாற்றியமைத்து வருகிறது. இதனை ஒரு சவாலாகவோ அல்லது மனித வேலைவாய்ப்பைப் பறிக்கும் கருவியாகவோ பார்க்காமல், ஒரு மாபெரும் வாய்ப்பாகப் பயன்படுத்தும் தொழில்முனைவோர் மட்டுமே அடுத்த பத்தாண்டுகளில் சந்தையில் நிலைத்து நிற்க முடியும். இவ்வாரம், செயற்கை நுண்ணறிவு(AI) தொழில்நுட்பத்தை உங்கள் வணிகத்தில் எப்படி இணைப்பது, அதன் பல்வேறு நிலைகள் யாவை, தமிழகத்தின் வளர்ந்து வரும் இரண்டாம் கட்ட நகரங்களில் ஒளிந்துள்ள வணிக வாய்ப்புகள் யாவை என்பதை விரிவாகக் காண்போம்.

12.1. செயற்கை நுண்ணறிவும் (AI) நேரடி விற்பனையும்: ஒரு புதிய பரிமாணம்

செயற்கை நுண்ணறிவு என்பது மனித மூளைக்கு மாற்றல்ல. அது மனித உழைப்பின் வேகத்தையும் துல்லியத்தையும் பன்மடங்கு அதிகரிக்கும் ஒரு கருவியாகும். நேரடி விற்பனையில் இது பின்வரும் இரு நிலைகளில் பெரும் மாற்றத்தை ஏற்படுத்துகிறது.

AI Chatbots & Agents

உங்களின் சமூக ஊடகப் பக்கங்களிலும் இணையதளங்களிலும் செயற்கை நுண்ணறிவு (AI) முகவர்களை இணைப்பதன் மூலம், நீங்கள் இல்லாத நேரத்திலும் (24/7) வாடிக்கையாளர்களின் கேள்விகளுக்குத் உடனுக்குடன் பதிலளிக்கச் செய்யலாம். இது ஒரு வணிகத்தை எப்போதும் இயங்கிக் கொண்டிருக்கும் உலகளாவிய நிறுவனமாக மாற்றுகிறது.

Data Analytics

செயற்கை நுண்ணறிவுக் கருவிகள் மூலம் உங்கள் வாடிக்கையாளர்களின் வாங்கும் பழக்கவழக்கங்களை நுணுக்கமாக ஆராயலாம். எந்தத் தயாரிப்பு அதிகமாக விற்பனையாகிறது, எந்தக் காலத்தில் மக்கள் புதிய பொருட்களைத் தேடுகிறார்கள், எந்த விலையில் அவர்கள் மனநிறைவு அடைகிறார்கள் போன்ற விபரங்களை அறிந்து, அதற்கேற்ப உங்கள் வணிக உத்திகளை வகுக்கலாம்.

12.2. செயற்கை நுண்ணறிவு சார்ந்த விற்பனை நிலைகள் (Levels of AI-Enabled Selling)

பிசிசி (BCG) போன்ற பன்னாட்டு ஆய்வு நிறுவனங்களின் அடிப்படையில், விற்பனைத் துறையில் செயற்கை நுண்ணறிவைப் பயன்படுத்தப்படும் விதத்தை மூன்று நிலைகளாகப் பிரிக்கலாம்.

மேம்படுத்தப்பட்ட விற்பனை

இந்த நிலையில், செயற்கை நுண்ணறிவு ஒரு ஆலோசகராகச் செயல்படுகிறது. விற்பனையாளர் ஒரு வாடிக்கையாளரை அணுகும்போது பேச வேண்டிய முக்கியக் குறிப்புகள் (Talking points), தேவையான ஆவணங்கள், அடுத்தகட்ட நடவடிக்கைகள் (Next-best actions) ஆகியவற்றைச் செயற்கை நுண்ணறிவு பரிந்துரைக்கிறது.

Augmented Selling

உதவிபெறும் விற்பனை

இங்குச் செயற்கை நுண்ணறிவு ஒரு நிகழ்நேரக் கூட்டாளியாகச் செயல்படுகிறது. சான்றாக, வாடிக்கையாளர் அழைப்புகளின் போது உரையாடல்களைக் கவனித்து, உடனுக்குடன் திரையில் குறிப்புகளை வழங்குதல், உரையாடலின் சுருக்கத்தை உருவாக்குதல், தரவு மேலாண்மை (CRM) அமைப்புகளைத் தானாகவே புதுப்பித்தல் போன்ற பணிகளைச் செய்கிறது.

Assisted Selling

தன்னாட்சி விற்பனை

இது தொழில்நுட்பத்தின் மிக முன்னேறிய நிலையாகும். இதில் செயற்கை நுண்ணறிவு முகவர்கள் (AI Agents) மனிதத் தலையீடின்றி வாடிக்கையாளர்களுடன் நேரடியாகத் தன்னாட்சியாக உரையாடுகிறார்கள். அவர்கள் புதிய வாடிக்கையாளர்களைக் கண்டறிதல் (Lead generation), தகுதி நிர்ணயம் செய்தல் (Qualification), விற்பனையை நிறைவு செய்தல் (Closing) என அனைத்துத் தளங்களிலும் சுயமாக இயங்குகிறார்கள்.

Autonomous Selling

12.3. ஐந்து சிறப்புச் செயற்கை நுண்ணறிவு முகவர்கள் (Five Specialized AI Agents)

வருங்கால விற்பனைச் சூழலில் ஐந்து வகையான தனித்துவமான செயற்கை நுண்ணறிவு முகவர்கள் ஒன்றிணைந்து செயல்படுவார்கள்.

ஒருங்கிணைப்பு முகவர்கள்

வணிகத்தின் உயர்மட்ட இலக்குகளைச் சிறிய பணிகளாகப் பிரித்து, பிற முகவர்களையும் குழுக்களையும் ஒருங்கிணைக்கிறார்கள்.

வாடிக்கையாளர் தேடல் முகவர்கள்

தரவுகளின் அடிப்படையில் யாரைத் தொடர்பு கொள்ள வேண்டும், எந்த ஊடகம் (Email/WhatsApp/Voice) வழியாக அணுக வேண்டும் என்பதைத் தீர்மானிக்கிறார்கள்.

தகுதி நிர்ணய முகவர்கள்

வாடிக்கையாளரின் தேவைகளை வரிசைப்படுத்தி, அவர்களுக்கான இலாபக் கணக்கீடுகளையும் (ROI) மதிப்பு முன்மொழிவுகளையும் (Value Proposition) நிகழ்நேரத்தில் வழங்குகிறார்கள்.

விற்பனை மாற்றமும் விலை நிர்ணய முகவர்களும்

விற்பனை ஒப்பந்தங்களைத் தயாரித்தல், விலைப் பட்டியலைச் சந்தை நிலவரப்படி உருவாக்குதல், நிதித் துறையை ஒருங்கிணைத்து விற்பனையை விரைவுபடுத்துகிறார்கள்.

வாடிக்கையாளர் வெற்றி முகவர்கள்

வாடிக்கையாளர்கள் தயாரிப்பைச் சரியாகப் பயன்படுத்துவதை உறுதி செய்தல், அவர்கள் வணிகத்தை விட்டு வெளியேறும் அபாயத்தைத் தடுத்தல் போன்ற பணிகளைச் செய்கிறார்கள்.

12.4. தமிழகத்தின் இரண்டாம் கட்ட நகரங்களில் உள்ள வாய்ப்புகள்

தமிழகம் இந்தியாவின் பொருளாதார வளர்ச்சியில் முதன்மையான மாநிலமாகத் திகழ்கிறது. சென்னை போன்ற பெருநகரங்களைத் தாண்டி, இரண்டாம் கட்ட நகரங்களான மதுரை, திருச்சிராப்பள்ளி, கோயம்புத்தூர், சேலம், திருநெல்வேலி போன்றவை இன்று 'தொழில்முனைவோரின் சொர்க்கமாக' மாறியுள்ளன.

வளர்ந்து வரும் நுகர்வோர் சந்தை

+40%

இந்த நகரங்களில் உள்ள மக்களின் வாங்கும் திறன் (Purchasing Power) கடந்த ஐந்து ஆண்டுகளில் 40% அதிகரித்துள்ளது. இவர்கள் தரம், ஆரோக்கியம் சார்ந்த சர்வதேசத் தரத்திலான பொருட்களைத் தங்கள் ஊர்களிலேயே எதிர்பார்க்கின்றனர்.

குறைந்த போட்டியும் அதிக வளர்ச்சியும்

பெருநகரங்களில் சந்தை நிரம்பி வழிவதால் (Market Saturation), அங்குப் போட்டி அதிகம். ஆனால், இரண்டாம் கட்ட நகரங்களில் நேரடி விற்பனைத் துறை இன்னும் ஆரம்ப நிலையிலேயே உள்ளது. இங்குச் செயற்கை நுண்ணறிவு போன்ற நவீனத் தொழில்நுட்பத்துடன் நுழைபவர்கள் எளிதில் சந்தை முகவரியைப் பெற முடியும்.

12.5. தமிழக இளைஞர்களுக்கான ஐந்து முக்கியக் கட்டளைகள் (Five Imperatives)

தமிழகத் தொழில்முனைவோர் உலகத்தரம் வாய்ந்த வெற்றியைப் பெறப் பின்வரும் ஐந்து அம்சங்களைக் கடைப்பிடிக்க வேண்டும்:

தெளிவான இலக்கை நிர்ணயித்தல்

வெறும் இலாபத்தை மட்டும் நோக்காமல், வாடிக்கையாளர் அனுபவத்தையும் சமூக மாற்றத்தையும் முன்னிறுத்திய இலக்குகளைக் கொண்டிருக்க வேண்டும்.

திட்டமிட்ட செயல்பாட்டுப் பாதை

அனைத்துத் தொழில்நுட்பங்களையும் ஒரே நேரத்தில் புகுத்தாமல், முதலில் உங்கள் வணிகத்திற்கு எது தேவையோ அதை மட்டும் தேர்ந்தெடுத்துச் செயல்படுத்த வேண்டும்.

சரியான தொழில்நுட்பக் கட்டமைப்பு

சிதறிக்கிடக்கும் வாடிக்கையாளர் விவரங்களை ஒருங்கிணைத்து, தரமான தரவு மேலாண்மையை உறுதி செய்ய வேண்டும்.

பொறுப்புணர்வுடன் கூடிய மேலாண்மை

செயற்கை நுண்ணறிவு பயன்படுத்தும் தரவுகளின் பாதுகாப்பு, நேர்மையை உறுதி செய்ய வேண்டும்.

மனித வளமும் தலைமைத்துவமும்

மாற்றத்தின் 70% மனிதர்களைச் சார்ந்தது. எனவே, உங்கள் குழுவினருக்குச் செயற்கை நுண்ணறிவுத் தொழில்நுட்பத்தில் முறையான பயிற்சியளிக்க வேண்டும்.

12.6. தொழில்முனைவோராக இருந்து வேலை வழங்குபவராக மாறுதல்

இப்பாடத்திட்டத்தின் உன்னத நோக்கம், உங்களை ஒரு வேலை தேடுபவராக இல்லாது, வேலை வழங்குபவராக (Job Provider) மாற்றுவதே ஆகும்.

குழு விரிவாக்கம்

நவீனத் தொழில்நுட்பத்தைப் பயன்படுத்தி நீங்கள் உருவாக்கும் ஒவ்வொரு புதிய விற்பனையாளரும், தமிழகத்தின் ஒரு பகுதியில் ஒரு புதிய தொழில்முனைவோராக உருவெடுக்கிறார்.

சமூகப் பங்களிப்பு

நேர்மையான நேரடி விற்பனை மூலமும் செயற்கை நுண்ணறிவுப் பயன்பாடு மூலமும் பல குடும்பங்களின் பொருளாதார நிலையை உயர்த்துவது சமூகத்திற்கு நீங்கள் செய்யும் ஒரு மாபெரும் தொண்டாகும்.

12.7. பயிற்சியின் நிறைவும் தொடர் பயணமும்

இந்த 12 வாரப் பயணம் ஒரு முடிவல்ல. இது ஒரு புதிய தொடக்கம்.

தொடர் கற்றல்

தொழில்நுட்பம் மாறிக் கொண்டே இருக்கும். எனவே, ஒரு தொழில்முனைவர் எப்போதும் கற்கும் மனநிலையில் இருக்க வேண்டும்.

அறநெறி காத்தல்

2021 சட்ட விதிகளும், வணிக நெறிகளும், உங்கள் நேர்மையும் எப்போதும் உங்கள் வணிகத்தின் அடித்தளமாக இருக்கட்டும்.

இந்த வாரம் அறிந்தவை

🎓 பயிற்சி நிறைவு 🎓

"தொழில்நுட்பத்தை அறநெறியோடு இணைப்பவர்களே எதிர்கால வணிக உலகின் வெற்றியாளர்கள்".

இப்பாடத்திட்டத்தின் மூலம் நீங்கள் பெற்றுள்ள அறிவும் திறனும் உங்களைத் தமிழகத்தின் ஒரு முன்னோடித் தொழில்முனைவோராக மாற்றும் என்பதில் ஐயமில்லை.

உங்கள் இறுதி மதிப்பீடு (Final Step)

இந்த 12 வாரப் பயிற்சியில் நீங்கள் கற்றுக்கொண்ட விசயங்களில், உங்கள் வணிகத்தை அடுத்த நிலைக்குக் கொண்டு செல்லப்போகும் மிக முக்கியமான மூன்று நுணுக்கங்கள் யாவை?

மேலும், நாம் விவாதித்த செயற்கை நுண்ணறிவு முகவர்களில் (Lead Gen, Qualification, Customer Success), எந்த ஒரு முகவர் உங்கள் தற்போதைய வணிகத் தேவைக்கு உடனடியாகத் தேவை என்று நினைக்கிறீர்கள்?

வாழ்த்துகளுடன்,

முனைவர் சத்தியராஜ் தங்கச்சாமி (நேயக்கோ)

📺 காணொலி விரிவுரையைப் பாருங்கள்

பன்னிரண்டாம் வார முழு விளக்கவுரை (காணொலி நேரம்: 24:30)

12 வாரப் பயிற்சி நிறைவு - வாழ்த்துகள்! 🎉

பதினொன்றாம் வாரம்: நிதி மேலாண்மை - வரி மேலாண்மையும் சேமிப்பு முறைகளும்

பதினொன்றாம் வாரம்

நிதி மேலாண்மை - வரி மேலாண்மையும் சேமிப்பு முறைகளும்

11.0. அறிமுகம்

வணிகத்தில் எவ்வளவு சம்பாதிக்கிறோம் என்பதைவிட, ஈட்டிய பணத்தை எப்படி மேலாண்மை செய்கிறோம் என்பதே ஒருவரைத் தொழில்முறை நிபுணராக அடையாளப்படுத்துகிறது. பல நேரடி விற்பனையாளர்கள் பெரும் வருமானம் ஈட்டியும், நிதி மேலாண்மை குறித்த விழிப்புணர்வு இல்லாததால் இடர்படுகின்றனர். இவ்வாரம், உங்கள் வணிகத்தின் இலாபத்தைக் கணக்கிடுதலையும், இந்திய அரசின் வரி நடைமுறைகளைப் பின்பற்றுதலையும், வருமானத்தை மீண்டும் வணிகத்தில் முதலீடு செய்தலையும் குறித்து விரிவாகக் காண்போம்.

11.1. வணிகக் கணக்கியல் (Business Accounting)

நேரடி விற்பனையில் நீங்கள் ஒரு சுதந்திரமான வணிக உரிமையாளர் (Business Owner). எனவே, உங்கள் தனிப்பட்ட செலவுகளையும் வணிகச் செலவுகளையும் பிரித்துப் பார்ப்பது அவசியம்.

அ) வருவாய் & செலவுப் பட்டியல்

ஒவ்வொரு மாதமும் பின்வருவனவற்றைப் பதிவு செய்யும் பழக்கத்தை ஏற்படுத்திக்கொள்ள வேண்டும்:

வருவாய்

பொருட்கள் விற்பனை மூலம் கிடைக்கும் இலாபமும் உங்கள் குழுவின் மூலம் கிடைக்கும் ஊக்கத்தொகையும்.

செலவுகள்

பயணச் செலவுகள், தொலைபேசி, இணையக் கட்டணங்கள், விளம்பரச் செலவுகள், பயிற்சி வகுப்புகளுக்கான கட்டணங்கள்.

ஆ) நிகர இலாபம் (Net Profit)

மொத்த வருவாயிலிருந்து அனைத்துச் செலவுகளையும் கழித்த பின் எஞ்சுவதே உங்கள் உண்மையான இலாபம். இதனைத் துல்லியமாகக் கணக்கிடுவது உங்கள் வணிகத்தின் வளர்ச்சியைத் திட்டமிட உதவும்.

11.2. வரி மேலாண்மை (Tax Compliance - GST/IT)

ஒரு நேர்மையான தொழில்முனைவர் நாட்டின் சட்டதிட்டங்களுக்கு உட்பட்டு நடக்க வேண்டும். இது உங்கள் 'தனிநபர் ஆளுமை முத்திரையின்' நம்பகத்தன்மையை அதிகரிக்கும்.

சரக்கு & சேவை வரி (GST)

Goods & Services Tax

நேரடி விற்பனையில் ஈடுபடும்போது, உங்கள் விற்பனைமுதல் (Turnover) அரசாங்கம் நிர்ணயித்துள்ள வரம்பைத் தாண்டும்போது GST பதிவு செய்வது கட்டாயமாகும். நீங்கள் வாங்கும் பொருட்களுக்குச் செலுத்திய வரியை (Input Tax Credit) திரும்பப் பெறுவதற்கு இது உதவியாக இருக்கும்.

வருமான வரி (Income Tax)

IT Return

நேரடி விற்பனை மூலம் ஈட்டும் வருமானம் 'வணிக வருமானம்' (Business Income) என்ற பிரிவின் கீழ் வரும். ஆண்டுதோறும் உங்கள் வருமானத்தைச் சரியாகக் கணக்கிட்டு வருமான வரித் தாக்கல் (IT Return) செய்வது, நீங்கள் வங்கி மேலாண்மை, கடன் வசதிகளைப் பெறுவதற்கு ஒரு வலுவான ஆதாரமாக அமையும்.

11.3. வருமானத்தை மீண்டும் முதலீடு செய்தல் (Reinvestment)

கிடைக்கும் இலாபம் அனைத்தையும் செலவு செய்யாமல், ஒரு பகுதியை உங்கள் வணிகத்தை விரிவுபடுத்தப் பயன்படுத்த வேண்டும்.

திறன் மேம்பாடு

புதிய நுணுக்கங்களைக் கற்கவும், சான்றிதழ் படிப்புகளை மேற்கொள்ளவும் முதலீடு செய்யுங்கள்.

தொழில்நுட்பம்

உயர்தரக் கைப்பேசி, தரவு மேலாண்மை மென்பொருள்கள் (CRM) அல்லது உங்கள் எண்ணிம ஆளுமையை மேம்படுத்த விளம்பரங்களுக்காக முதலீடு செய்யலாம்.

சரக்கு மேலாண்மை

வாடிக்கையாளர்களின் அவசரத் தேவையைப் பூர்த்தி செய்யச் சில முக்கியமான பொருட்களைக் கையிருப்பில் வைத்துக்கொள்ள முதலீடு செய்யலாம்.

11.4. சேமிப்பு & பாதுகாப்பு முறைகள்

நேரடி விற்பனை என்பது செயலற்ற வருமானத்தை (Passive Income) நோக்கிய பயணம். எனினும், தொடக்கக் காலத்தில் முறையான சேமிப்புத் திட்டங்கள் அவசியமாகும்.

அவசரகால நிதி

உங்கள் மாதச் செலவுகளைப் போலக் குறைந்தபட்சம் ஆறு மாத காலத்திற்கான தொகையைத் தனியே சேமித்து வைக்க வேண்டும்.

காப்பீடு

தொழில்முனைவோர் தமக்கும் தமது குடும்பத்திற்கும் முறையான மருத்துவக் காப்பீடு (Health Insurance), ஆயுள் காப்பீடு வைத்திருப்பது பாதுகாப்பானது.

முதலீட்டுத் திட்டங்கள்

இலாபத்தின் ஒரு பகுதியை நீண்டகால நோக்கில் பரசுபர நிதிகள் (Mutual Funds) அல்லது அரசு சேமிப்புத் திட்டங்களில் முதலீடு செய்யலாம்.

⚠️ 6 மாத அவசரகால நிதி கட்டாயம் ⚠️

11.5. தமிழகச் சூழலில் நிதி ஒழுக்கம்

தமிழகக் குடும்பங்களில் நிதி மேலாண்மை என்பது பெரும்பாலும் சிக்கனத்தைச் சார்ந்தது. ஆனால், வணிகத்தில் சிக்கனம் என்பதை விட 'சரியான முதலீடு' என்பதே முக்கியம்.

வெளிப்படைத்தன்மை

உங்கள் குடும்பத்தினரிடம் உங்கள் வணிகத்தின் நிதிநிலை குறித்து வெளிப்படையாகப் பேசுங்கள். இது உங்களுக்கு மன அமைதியையும் அவர்களின் ஆதரவையும் தரும்.

கடன் தவிர்த்தல்

வணிகத்தை விரிவாக்கம் செய்ய அதிக வட்டிக்குக் கடன் வாங்குவதைத் தவிர்க்க வேண்டும். உங்கள் இலாபத்திலிருந்தே வணிகத்தை வளர்ப்பது (Bootstrapping) பாதுகாப்பானது.

இந்த வாரம் அறிந்தவை

நிதி மேலாண்மை என்பது வெறும் எண்கள் சார்ந்ததன்று. அது உங்கள் எதிர்காலத் திட்டமிடல் சார்ந்தது. வரியைச் சரியாகச் செலுத்தி, இலாபத்தைச் சரியாக முதலீடு செய்யும் ஒருவரால் மட்டுமே ஒரு நிலையான வணிகப் பேரரசை உருவாக்க முடியும். அடுத்த வாரம், இந்த 12 வாரப் பயிற்சியின் இறுதிப் பகுதியாக, செயற்கை நுண்ணறிவு (AI) போன்ற வருங்காலத் தொழில்நுட்பங்கள் தமிழக வணிக வாய்ப்புகளை எப்படி மாற்றப்போகின்றன என்பது குறித்துக் காண்போம்.

உங்கள் அடுத்த கட்ட நடவடிக்கை (Next Step)

கடந்த ஒரு மாதத்தில் உங்கள் வணிகத்திற்காக நீங்கள் செய்த செலவுகளையும் ஈட்டிய இலாபத்தையும் ஒரு அட்டவணையாகத் தயாரித்துப் பாருங்கள். அதில் தேவையற்ற செலவுகள் ஏதேனும் உள்ளதா?

📺 காணொலி விரிவுரையைப் பாருங்கள்

பதினொன்றாம் வார முழு விளக்கவுரை (காணொலி நேரம்: 23:15)

வாரம் 11 நிறைவுற்றது