முக்கூடற் பள்ளு - நகர் வளம்
1. முன்னுரை
நாயக்கர் காலத்தில் தோன்றிய சிற்றிலக்கிய வகைகளில் ஒன்று 'பள்ளு'. இது உழவர் பெருமக்களின் வாழ்க்கையைச் சித்தரிக்கும் இலக்கியமாகும். திருநெல்வேலி சீமையில், தாமிரபரணி ஆறு பாயும் வளம் மிக்கப் பகுதிகளான 'முக்கூடல்' மற்றும் 'மருதூர்' ஆகிய ஊர்களின் செழிப்பை 'நகர் வளம்' என்ற பகுதியில் ஆசிரியர் மிக அழகாக வருணித்துள்ளார். இதில் முக்கூடலில் உறையும் அழகர் (திருமால்) மற்றும் மருதூரில் உறையும் மருதீசர் (சிவன்) ஆகிய இருவரின் ஊர் சிறப்புகளும் பாடப்பட்டுள்ளன.
▼ மேலும் வாசிக்க (பாடல்களும் விளக்கமும்)
2. பாடல் 19: வான் முட்டும் வளம் (முக்கூடல்)
கொடிகள் வானம் படிதர மூடும்
கண்ட பேரண்டம் தண்டலை நாடும்
கனக முன்றில் அனம்விளை யாடும்
விண்ட பூமது வண்டலிட்டு ஓடும்
வெயில் வெய்யோன் பொன்னெயில் வழி தேடும்
அண்டர் நாயகர் செண்டலங் காரர்
அழகர் முக்கூடல் ஊர் எங்கள் ஊரே.
விளக்கம்:
- மேகங்கள் (கொண்டல்) வானளாவிய கோபுரங்களின் அருகே வந்து கூடும்.
- கோயிலில் பறக்கும் கொடிகள் வானத்தை மறைக்கும் அளவுக்கு நெருக்கமாக இருக்கும்.
- தங்கமயமான முற்றங்களில் அன்னப்பறவைகள் விளையாடும்.
- மலர்களிலிருந்து வழியும் தேன், ஆற்று வண்டல் போலப் பெருக்கெடுத்து ஓடும்.
- மதில்கள் மிக உயரமாக இருப்பதால், கதிரவன் (சூரியன்) உள்ளே நுழைவதற்கு வழி தேடுவான்.
- அண்டங்களின் தலைவரும், செண்டு அலங்காரம் கொண்டவருமான அழகர் குடிகொண்ட முக்கூடல் எங்கள் ஊராகும்.
3. பாடல் 20: இயற்கை எழில் (மருதூர்)
தரங்க மீன்பொன் னரங்கிடை தாவும்
திங்கள் சோலை மரங்களை ராவும்
தெருக்கள் தோறு மருக்களைத் தூவும்
பொங்க ருளிளம் பைங்கிளி மேவும்
பூவைமாடப் புறாவினங் கூவும்
வங்க வாரிதி வெங்கடு வுண்ட
மருதீ சர் மருதூரெங்கள் ஊரே.
விளக்கம்:
- சங்கு பூச்சிகள் (சங்கம்) மேடைகள் எங்கும் ஊர்ந்து திரியும். அலைகளில் உள்ள மீன்கள் பொன்னான அரங்குகளில் தாவும்.
- நிலவானது (திங்கள்) சோலையில் உள்ள உயரமான மரங்களை உரசிச் செல்லும் (ராவும்).
- தெருக்கள் தோறும் நறுமணம் (மரு) வீசும். சோலைகளில் (பொங்கர்) இளம் கிளிகள் தங்கும்; மாடங்களில் புறாக்கள் கூவும்.
- கடலில் தோன்றிய கொடிய நஞ்சினை உண்ட மருதீசர் அருள்புரியும் மருதூர் எங்கள் ஊராகும்.
4. பாடல் 21: செல்வச் செழிப்பு (முக்கூடல்)
சுரும்பு பாடி இரும்பும் உருக்கும்
சாதி நால்வளம் நீதி பெருக்கும்
தடத்து வாளை குடத்தை நெருக்கும்
போதில் மேய்ந்து இளமேதி செருக்கும்
புனம் எல்லாம் அந்தண்மலர் விண்டு இருக்கும்
ஆதி நாதர் அனாதி யொருத்தர்
அழகர் முக்கூடல் ஊரெங்கள் ஊரே.
விளக்கம்:
- வீதிகளில் ஒளி வீசும் மாணிக்கக் கற்கள் நெருக்கிக் கிடக்கும்.
- வண்டுகள் (சுரும்பு) பாடும் இசை இரும்பையும் உருக்கும் வல்லமை கொண்டது.
- நான்கு வகைச் சாதி வளங்களும், நீதியும் பெருகும். நீர் நிலைகளில் உள்ள வாளை மீன்கள் குடங்களை மோதி நெருங்கும்.
- இளமையான எருமைகள் (மேதி) மலர்களில் மேய்ந்து செழித்திருக்கும். வயல்கள் (புனம்) எல்லாம் குளிர்ந்த மலர்கள் விரிந்திருக்கும்.
- ஆதிநாதரும், அனாதியுமான அழகர் வாழும் முக்கூடல் எங்கள் ஊரே.
5. பாடல் 22: வளமும் ஒலியும் (மருதூர்)
சாலைவாய்க் கன்னல் ஆலை யுடைக்கும்
கத்தும் பேரிகைச் சத்தம் புடைக்கும்
கலிப்பு வேலை ஒலிப்பைத் துடைக்கும்
நித்தம் சாறயர் சித்ரம் படைக்கும்
நிதியெல் லாந்தன் பதியிற் கிடைக்கும்
மத்தஞ் சூடும் மதோன்மத்த ரான
மருதீசர் மருதூர் எங்கள் ஊரே.
விளக்கம்:
- பாய்ந்து வரும் நீர் முத்துக்களைக் கொண்டு வந்து சேர்க்கும்.
- கரும்புக் கழனிகளில் (கன்னல்) சாறு பிழியும் ஆலைகளின் சத்தம் மிகுதியாக இருக்கும்.
- பேரிகை முரசுகளின் சத்தம் ஒலிக்கும். அந்த மகிழ்ச்சி ஆரவாரம் கடல் அலையின் ஓசையையே மறைத்துவிடும்.
- நாள்தோறும் திருவிழாக் காட்சிகள் (சித்ரம்) நடக்கும். எல்லா வகையான செல்வங்களும் (நிதி) இவ்வூரில் கிடைக்கும்.
- ஊமத்தம் பூவை (மத்தம்) சூடிய மருதீசர் வாழும் மருதூர் எங்கள் ஊரே.
6. பயிற்சி வினாக்கள் (Multiple Choice Questions)
1. மேகங்கள் எங்கே வந்து கூடும் என்று பாடல் கூறுகிறது?
- அ) மலை உச்சி
- ஆ) கோபுரம்
- இ) கடல்
- ஈ) வயல்
விடையைக் காண இங்கே சொடுக்கவும்
விடை: ஆ) கோபுரம் (கொண்டல் கோபுரம் அண்டையிற் கூடும்)
2. முக்கூடலில் குடிகொண்டுள்ள இறைவன் யார்?
- அ) அழகர்
- ஆ) மருதீசர்
- இ) முருகன்
- ஈ) விநாயகர்
விடையைக் காண இங்கே சொடுக்கவும்
விடை: அ) அழகர்
3. இரும்பையும் உருக்கும் வல்லமை எதற்கு உண்டு?
- அ) சூரிய வெப்பம்
- ஆ) நெருப்பு
- இ) வண்டின் இசை (சுரும்பு பாடி)
- ஈ) மின்னல்
விடையைக் காண இங்கே சொடுக்கவும்
விடை: இ) வண்டின் இசை
4. 'வெங்கடு உண்டவர்' (விஷத்தை உண்டவர்) யார்?
- அ) அழகர்
- ஆ) மருதீசர் (சிவன்)
- இ) இந்திரன்
- ஈ) பிரம்மா
விடையைக் காண இங்கே சொடுக்கவும்
விடை: ஆ) மருதீசர் (சிவன்)
5. பாய்ந்து வரும் நீர் எதைக் கொண்டு வந்து சேர்க்கும்?
- அ) மண்
- ஆ) மீன்
- இ) முத்து
- ஈ) பவளம்
விடையைக் காண இங்கே சொடுக்கவும்
விடை: இ) முத்து (தத்தும் பாய்புனல் முத்தம் அடைக்கும்)
