தொல்காப்பியம்: அகத்திணையியல் ஓர் அறிமுகம்
தமிழ் இலக்கண நூல்களில் தலைசிறந்ததும், தொன்மையானதுமான நூல் தொல்காப்பியம் ஆகும். தொல்காப்பியர் இயற்றிய இந்நூல் எழுத்து, சொல், பொருள் என மூன்று அதிகாரங்களைக் கொண்டது. இதில் பொருளதிகாரத்தின் முதல் இயலான அகத்திணையியல், தமிழர் காதல் வாழ்வின் இலக்கணத்தை விரிவாக எடுத்துரைக்கிறது.
▼ மேலும் வாசிக்க (தொல்காப்பியம் - அகத்திணையியல் தகவல்கள்)
1. அகத்திணையின் வகைகள்
- அகப்பொருள் ஏழு திணைகளாகப் பகுக்கப்பட்டுள்ளது.
- கைக்கிளை, குறிஞ்சி, பாலை, முல்லை, மருதம், நெய்தல் மற்றும் பெருந்திணை என்பவை அவ்வேழு திணைகளாகும்.
- இதில் நடுவண் ஐந்திணையாகிய குறிஞ்சி, பாலை, முல்லை, மருதம், நெய்தல் ஆகியவை 'அன்பின் ஐந்திணை' எனப் போற்றப்படுகின்றன.
பயிற்சி வினாக்கள் - பகுதி 1
1. தொல்காப்பியத்தின் ஆசிரியர் யார்?
விடை: தொல்காப்பியர்.
2. அகத்திணைகள் மொத்தம் எத்தனை?
விடை: ஏழு.
2. அகப்பொருள் உறுப்புகள் (முப்பொருள்)
முதற்பொருள், கருப்பொருள், உரிப்பொருள்
- முதற்பொருள்: நிலமும் பொழுதும் முதற்பொருள் எனப்படும்.
- கருப்பொருள்: தெய்வம், உணவு, விலங்கு, மரம், பறவை, செய்தி, யாழின் பகுதி போன்ற அந்தந்த நிலத்திற்குரிய பொருட்கள் கருப்பொருள் எனப்படும்.
- உரிப்பொருள்: புணர்தல், பிரிதல், இருத்தல், இரங்கல், ஊடல் ஆகிய வாழ்வியல் ஒழுக்கங்கள் உரிப்பொருள் எனப்படும்.
பயிற்சி வினாக்கள் - பகுதி 2
1. முதற்பொருள் என்பது எவற்றைக் குறிக்கும்?
விடை: நிலமும் பொழுதும்.
2. அகப்பொருள் பாடல்களில் அடிப்படையாக அமையும் பொருள்கள் எத்தனை?
விடை: மூன்று (முதல், கரு, உரி).
3. நிலமும் பொழுதும்
நால்வகை நிலங்கள்
- மாயோன் மேய காடுறை உலகம் (முல்லை).
- சேயோன் மேய மைவரை உலகம் (குறிஞ்சி).
- வேந்தன் மேய தீம்புனல் உலகம் (மருதம்).
- வருணன் மேய பெருமணல் உலகம் (நெய்தல்).
- பொழுது பெரும்பொழுது மற்றும் சிறுபொழுது என இரு வகைப்படும்.
- கார், கூதிர், முன்பனி, பின்பனி, இளவேனில், முதுவேனில் எனப் பெரும்பொழுது ஆறு வகைப்படும்.
- மாலை, யாமம், வைகறை, காலை, நண்பகல், எற்பாடு எனச் சிறுபொழுது ஆறு வகைப்படும்.
பயிற்சி வினாக்கள் - பகுதி 3
1. முல்லை நிலத்திற்குரிய தெய்வம் யார்?
விடை: மாயோன் (திருமால்).
2. சிறுபொழுதுகள் எத்தனை வகைப்படும்?
விடை: ஆறு.
4. உரிப்பொருள் விளக்கம்
- புணர்தல்: குறிஞ்சி நிலத்திற்குரியது.
- பிரிதல்: பாலை நிலத்திற்குரியது.
- இருத்தல்: முல்லை நிலத்திற்குரியது.
- ஊடல்: மருத நிலத்திற்குரியது.
- இரங்கல்: நெய்தல் நிலத்திற்குரியது.
பயிற்சி வினாக்கள் - பகுதி 4
1. மருத நிலத்திற்குரிய உரிப்பொருள் எது?
விடை: ஊடல்.
2. பாலை நிலத்திற்குரிய உரிப்பொருள் எது?
விடை: பிரிதல்.
துணைநூற்பட்டியல்
இந்தக் கட்டுரையில் தொகுக்கப்பட்டுள்ள தகவல்கள் அனைத்தும் கீழ்க்கண்ட நூலினை ஆதாரமாகக் கொண்டவை:
- தொல்காப்பியர், தொல்காப்பியம் (பொருளதிகாரம் - அகத்திணையியல்), மின்தொகுப்பு: மதுரை தமிழ் இலக்கிய மின்தொகுப்புத் திட்டம் (Project Madurai).
கருத்துகள் இல்லை:
கருத்துரையிடுக
உங்கள் கருத்துகள் வரவேற்கப்படுகின்றன