உழுவை வண்டியின் வரவு

ஈரெரு தொவ்வொரு

வீட்டிலும் நிற்க

ஈரச் சாணம் தெளித்திருக்கும்

வாசலின் முன்புறம்

கிருமிகள் நெருங்க

அஞ்சுமே உழுவைவரவு

அனைத்தும் மறைந்தோ டியதே கண்டாய்! 

          (கலித்தாழிசை)

தந்தைக் கொடை

அண்டை நாடும் சென்ற அப்பன்

அயலார் ஏசா வண்ணம் நின்றனன்

உந்தன் பிள்ளை அன்பும் காணாது

உந்தன் இல்லாள் அன்பும் காணாது

உந்தன் பிள்ளை மணமும் பாராது

பெற்ற பட்டம் பாராது

கொள்கை நின்று வென்றாய் வெந்தே 

(நேரிசை ஆசிரியப்பா)

(நன்றி: எழுத்து.காம், 17 செபுதம்பர் 2014)

காடு - நாடகம் - மாற்றுக்களம்

உலக நாடக நாள் கொண்டாட்டத்தில் கோவை மாற்றுக்களம் நாடகக் குழுவினர் காடு நாடகத்தை அரங்கேற்றினர். நாடகம் சிறப்பாக நடைபெற்றது. என் குழந்தைகள் கண்டு இன்புற்றுனர். நீண்ட நாட்கள் கழித்து பேரா. த. திலிப்குமார், அன்பர் நந்தகிசோர், கெளதம் ஆகியோரைச் சந்தித்ததில் பெரிய மகிழ்ச்சி... 

தொடக்கம் முதல் இறுதி வரை சிறந்த வாழ்வியலை வாழ்ந்தார்கள் நாடகக் கலைஞர்கள் என்றே கூறவேண்டும்.

பெற்றோரும் கல்வியும்

உந்தன் கால்கள் அம்மையாக

உப்பங் கால்வாயா லுண்டாக

காய்ந்தமீனும் பெட்டிக் குள்ளே

கால்நடையாய் பல்லூர்சென்று விற்றாயே

தலையிலொன்றும் இடுப்பில் ஒன்றும்

தண்ணீர்ப் புட்டிதூக்கி வந்தாயே

கூரருவா கொண்டு குத்தும்

கூர்முள் நீக்கிவெட்டி மூட்டினாயே

பாத்திப்பாவி மிளகாய்ப் பாவிட

பதர்நீக்க குனிந்தாயே வில்லாய் 

கன்றுநட்டு பழம்நீக்கி விற்றாயே 

கடைகொணர்ந்து பெற்றாயே காசு

கற்க கூடுதல் இல்மீதியாம் 

கொஞ்சும் மழலைப் பேச்சும்

அன்பும் கண்டி டாமல்

சென்றிட் டாரே பொருளீட்ட அயல்நாடே! (கலித்தாழிசை)

(நன்றி: எழுத்து.காம், 28 ஆகட்டு 2014)

தாய்க் கொடை

காய்ந்த மீனும்

முற்று நெல்லும்

காய்ந்த வத்தலும் விற்று

விறகைக் குன்று போலடுக்கி

தீமூட்ட பெற்ற தீங்கரியும்

கொண்டு விற்று

கற்க முக்கா லீந்து

காலொன் றும்இல் வென்றா யம்மே!

(கலித்தாழிசை)

(நன்றி: எழுத்து.காம், 2 செபுதம்பர் 2014)