செல்வகுமாரி - இலக்கியத்தில் பெண்கள்

 

பெண்மைக்கு மென்மை பூசி

பேரிலக்கியம் படைத்திட்டார்.

பெண்மையை இரணமாக்கி

புராணங்கள் படைத்திட்டார்

பெண்மையைப் பேயென்றும்

இதிகாசங்கள் படைத்திட்டார்.

தேவயானி - இயற்கைக்குத் திரும்புவோம்

விஞ்ஞானிகளே

விடை கூறுங்கள்.

உலகை வென்றுவிட்டதாய்

உவகை கொள்ளாதீர்!

சாபக்கற்களில்தான்

சந்தனம் அரைத்துப்

பூசிக் கொள்கிறீர்...

பழநிபாரதி - காடு

 கவிதை எழுத

காகிதம் எடுத்தேன்

உலகெங்கும்

காகிதத்திற்காக அழிக்கப்பட்ட

காடுகளின் மணம் 

துளைத்தது என் மூச்சை

பச்சியப்பன் - காலம் பிரசவித்த மற்றொரு காலம்

 

மொட்டை மாடியெங்கும் 

குரோட்டன்ஸ் படர்ந்து கிடக்கும்

இதோ

இந்த வீடிருக்கும் இடத்தில்தான் 

என் வயல் இருந்தது. 

வைரமுத்து - இது வித்தியாசமான தாலாட்டு

 

மகனே

வழக்கமான தாலாட்டை 

உனக்கு நான் 

வாசிக்க முடியாது

அவை 

மொழியின் ஆடம்பரங்கள்

கைது செய்து வைத்த 

கனாக்கள்